不嬲粉餅都唔係我杯茶！！由 Day 1 做化妝師開始，已經覺得傳統粉餅好弱，厚、乾、顯紋、實、假🤢 所以我定妝一定係用碎粉，夠薄！點掃都唔會出事！！

上年 6月 Pitanium 係韓國既 R&D 教授 send 左 3粒磨皮匠比我：「呢個係超級粉餅，你一定要好認真試！」(真咩？粉餅都有得超級咩😂)

試用過都好難走番去用傳統粉餅😎正常傳統粉餅，乾肌用會浮粉會好重粉感，我第一次用佢，就係塊面乾到裂既情況下用，當佢碎粉咁試，哇！佢唔止直接無視我皮膚既乾，拍完幾下成塊面既 finishing matt 得黎好滑好 smooth 好似磨左皮咁，係滑到忍唔住再望多幾望既滑，比我 expect 既仲要高好多個 grade！！(做咩姐？做咩要變靚得咁失驚無神姐🙈) 

而愈用愈覺得佢唔係一個傳統粉餅🧐 有遮瑕既喂！！而且係個種自然到不得了既自然遮瑕，佢令到皮膚上既小瑕疵都順理成章咁消失！！

果時開始我唔只當佢粉餅咁用！一月既時候影左全日野，個妝到兩、三點已經頂唔順，眼圈位、鼻翼位開始甩，無晒遮瑕度，拎佢出黎拍幾拍，哇！本身只係諗住夾硬印幾下，令個妝唔好再甩落去，但拍完幾下直頭係補左層遮瑕上去咁，眼圈 D 色素、鼻翼 D 紅印無晒，無紋，無毛孔，跟住之後既日子經日日用！密密用！

當我連續用左幾日之後轉用法！！當佢定妝同補妝用真係太蹝料！！！！我直接係搽防曬之後用佢😍 痴線嫁！！！！明明無用任何粉底，但 D 皮膚同膚色 fine 到好似上左一浸粉底咁，唔止膚質靚晒、有遮瑕度，仲要係 matt finishing，直接底妝定妝一次做晒，濕乾粉佢做晒，拍幾拍個樣已經 fine 晒！！！我唔會形容磨皮匠係一個手殘同懶專用既 all-in-one 粉餅，我會話，佢獨有既氣質、氣息、matt finishing、磨皮效果加埋毛孔瑕疵全部低清晒，呢幾個特效佢都做到極致！！！無論定妝、補妝、直接裸面用、都係容貌上既 upgrade！！

就咁單用佢上就已經會係一個好清徹、有磨皮效果既素顏妝！如果唔素顏呢？印完磨皮匠，佢會將所有 on top 掃上既胭脂、眼影都變得柔和化左、blend in 左入皮膚既色系，會變得好 soft、霧霧地，唔止自然而係無咗果種 un 眼既老土妝感，唔洗再逐樣逐樣 item 就住就住，又要技術好，又要份量岩，要既只係一層紗塵霧面，已經會將自己既化妝技術一秒封神，我叫呢種做輕飽和感既高質妝容🤤

全新一拆盒一打開，好滑好滑既一塊粉餅 surface，同時又伴隨住少少粉碎，fine 得黎又好耐人尋味，令我好想快 D 拍佢上面！！！Pitanium 磨皮匠係由極幼細既粉塵壓成，唔單止要做到零負重，仲要係溫柔地同皮膚妝容完全 blend in，唔係傳統 make up 咁多左層 layer，係製造過程入面，我地用左高端護膚精華先會用到既微脂體技術，將大量既親膚追色粉末經過 8萬次離心打磨同 filter 成極幼細粉塵，壓縮成親膚零排斥特性既磨皮匠，令佢有精華既親膚度，濕粉既遮瑕度，比碎粉更加細密既幼滑度！每拍一下，都完全緊貼皮膚，唔會有傳統粉底同碎粉比皮膚排斥或者幾個鐘之後就浮左層油出黎嘅問題🫂

當手上有表皮匠同月光寶盒既又再幸福 D😌

鍾意 semi matt 效果可以輕輕上一層表皮匠/月光寶盒，再用磨皮匠！除左有 semi matt 效果之外，coverage 都會高 D，會適合追求遮瑕度同乾性既皮膚！

而追求 no-makeup makeup 既素顏效果，可以直接係防曬(止外光/止外線)之後上磨皮匠，印到覺得膚色夠均勻同見到自己想要既啞緻度就可以，出黎既效果會係岩岩好既 coverage，好清爽同好 light 既妝感，夏天同出油既皮膚，佢會令你好得心應手地 handle 到個妝✌🏻

以前大家問我上碎粉應該要用掃上定撲上，我都會答：皮膚乾既就用掃，易出油既就用撲！但用磨皮匠大家可以好放心去用佢個粉撲！除左貼仲可以乾濕兩用！乾上已經超 fine 、超滑、超實淨！噴定妝師濕上又係一個我地好鍾意既用法，但唔理乾用定濕用，都係貼到唔會睇得出呢層無瑕疵，但又真實既完美皮膚竟然係由一個乾粉餅創造出黎 <3

我諗大部份女仔都係好似我咁，成日買粉底呀，碎粉呀，成個櫃底三十幾盒碎粉無盒用得晒，永遠就係係 counter 試個時覺得"係喎，真係靚左喎"，覺得買完係會靚左就買，但點知買到番去用左兩三次又發現唔係個樣野，之後繼續買繼續試。以前用既傳統妝物，就算幾高級，幾貼面都好，永遠感覺就係皮膚出面 extra 加多左層 layer，而唔係好似 Pitanium 表皮匠咁，有呢種自身皮膚修飾既感覺，表皮匠做得到，磨皮匠都做得到！就係會一路用，用到用晒為止😎