其實 Pitanium 紗塵粉粉 呢個產品既初型已經存在左 2年有多，一路以黎自己用同埋比身邊朋友用。有星級用家、星級化妝師、少化妝既用家同埋好 Demanding 既用家，呢個初型好到一個點既 Comment 氾濫左。
「好有仙氣，好似用左 Filter 咁」
「用完皮膚有一種技術同傳統產品做唔到既個種透出黎既皮膚底色」
「唔會假閃閃到明星咁行出黎，反而透出本身皮膚既光澤感，無晒濃妝感，上鏡完全係自然膚色」
「無粉感，濃同淡妝都好，表面係肉感唔係粉感，完全唔似係化出黎既色澤」
我呢，我就覺得初型已經有 90分，扣左個 10分就係佢有種傳統碎粉基因。咁多年以黎，其實用咁多隻傳統碎粉我都未去到有好滿意既程度，就係因為梗係有個種碎粉既缺陷👉🏻要 D 技術要 D 同產品既默契，唔係就會唔夠薄，會 Kick 會結塊，好 D 既碎粉就會薄 D 貼 D，但係都會有粉感同埋想佢有少少令身效果既話就會顯毛孔同有油膩感🤢
唔得！如果詢眾要求要出一隻碎粉比大家，我唔會用傳統既方法去做定妝，唔用傳統方法做假閃，我要識野既人會走過黎話"嘩！你今日係咪用左啲咩？點解皮膚咁靚？" 我地做到喇！！！2年時間，抵啦！高技術，少批量！用完之後既 Finishing 係第二隻粉無咩可能做得到咁既效果！
呢件作品你要識！介紹番，Pitanium 紗塵粉粉！雖然有幾個用法，即使你當佢係碎粉咁用，但佢會話你知原來你對碎粉都可以有好高好高好高既要求！
講下正常既碎粉係乜先！平時既碎粉就係用黎定妝，先搽 Skincare，之後一個個 Make Up 既步驟，之後做遮瑕，最後就用碎粉壓番實個妝，令個妝唔好溶，係真係基本野，所以有唔少既化妝大師都講過，唔多人對碎粉有要求，而唔同品牌既碎粉分別就係色 Tone，透薄度同埋閃定唔閃！"無要求?? " 應該唔係講緊我地喎😂
先講光澤感！Pitanium 紗塵粉粉遇皮膚會有帶出細緻既獨有氣質！以前既碎粉主要用閃粉同埋幼細既粉末帶出一種皮膚既光感，但係時間耐左個種光感會變得假假地同埋為令而令既油光，而有冇發現一樣野，就係愈重閃同重光感既碎粉個妝就會愈突兀，仲會顯毛孔，毛孔真係唔好睇！Pitanium 紗塵粉粉一粒閃粉都唔加，每一粒粉狀閃閃令令都係因為打磨完再加入獨有既切割技術，就好似鑽石切割概念，將每一粒微妙既粉塵既自身折射度大大提高，呢種"亮"比傳統閃粉"閃"得自然好多，唔再係美勞堂用既閃粉，係一層極細緻有鑽石折射既小塵霧將面容有種完全無違和感既光澤，毛孔？無喎！而重點係，呢種光係個底度透出黎！我用仙氣黎形容！
底度透出黎，係因為妝層融合，有無發覺以前既碎粉，無論係幾老牌都好，幾 Fine 都好。用完都有一段時間(幾個鐘🙄) 皮膚表面會出現一層粉感，摸又好近睇又好。係有一層 Extra 既野壓住左個底妝，然後吸油吸水，所謂定妝！係唔靚嫁但標準係咁，為左唔好溶妝冇得揀🤢 要皮膚識通透識透光，成個妝唔可以一層壓住一層分開幾層，會 Block 晒光線既穿透力。而係要一層過！但點做到？液粉融合！！已經斷市既 Pitanium 定妝師做得到，紗塵粉粉都做得到😎
係體感融合技術，倒少少出黎，摸下佢， 軟熟到不得了既 Texture，甚至乎可以用平時用黎形容 cream 既"Silky"黎形容，綿絲絲綿絲絲咁，遇皮膚壓一壓融合左本身既 Skincare 同埋底妝咁，絕對唔似以前個種多左層粉狀 Layer，無粉感、嫩肉感仍然存在，多左一份通透光澤之外，仲有一份零油光既滋潤感，感覺到個妝係一層又實淨又貼面既一層過 Layer，呢個要歸功於製造技術同埋皮膚零排斥既 Skin-friendly 成份。紗塵粉粉想做到既，唔單止係低致敏同埋靚，仲想拎走晒傳統化妝品既傷害性。前兩日一講到貼，有位新同事就問，"咁補妝靚唔靚？" 仲補妝🙈？Pitanium 紗塵粉粉係會提供到我地夢寐以求既 Long-lasting，咪花心力攪咁多野啦😂
拿，講完咁耐。我都仲係講緊最傳統既用法，我而家講我既用法😈 聽住，全面噴完 Pink Water，表皮匠、止外光、紗塵粉粉 3樣野係手心 Mix 埋佢，再一層過搽上面😂 呢個 Mixture，只係需要搽一層，就已經有齊表皮匠既細膩，止外光既粉嫩同防晒，同埋紅粉飛飛既透肌同光澤。由 3層變成 1層，乾濕撈唔埋？呢個唔會係紗塵粉粉既限制，高手妝就係咁。講多次！Mix 埋之後上面，就係咁😂
上完面你會發現，妝唔止化完，仲已經定埋，由於係少左幾層，會比平時薄左，貼左，但係仲 Long-lasting左！！第一次咁做既時候，係會貼到靚到懷疑人生，發現左化咁多年妝用左咁多力同時間，原來唔洗🤓 完全唔覺係妝物，只會覺得係一層大大美化同埋保護住皮膚既 Cream。當你試過原來紗塵粉粉係可以咁用，你會發現佢既用法絕對係無上限，同我地任何既 Skincare 或 Makeup Care 都可以係一個全新既組合！
Pitanium 唔多化妝系既產品，一直無 Skincare 咁多，得一個原因，因為皮膚健康一定係考慮既第一件事情，所有產品都要用得開心同安心。所以 Pitanium 紗塵粉粉我地無用過平時化妝品既 Logic 去設計，而係成份先行，再到遇到皮膚後既轉化再到 Texture 同埋觀感，再加少少我自己認為靚既元素入去😝佢係唔會令一個用家用完之後出街變到明星咁話比人知自己化左個濃妝準備華麗轉身。但係佢可以令到明星用完之後化完妝都變得自然順眼，唔係收收埋埋，係唔覺唔覺，要低調唔要高調🤫
